Koop nou, bou later

‘n Opwindende opsie is nou beskikbaar by Die Oog aftree-landgoed – koop eers jou “erf” en bou later die huis wanneer dit jou sak en jou beplanning beter pas. Kry so jou voet in die deur en kies die ligging waarvan jy die meeste hou.

Hierdie geleentheid is slegs beskikbaar in Fase 3, waar 55 van die 101 huise reeds verkoop is, daar opsies op geneem is, of die huise reeds in aanbou is om as voltooide eenhede te verkoop.

“Erf”-pryse wissel tussen R285 000 en R395 000. Belangstellendes moet dus vinnig spring om van die geleentheid gebruik te maak. Kontak die agente vir meer inligting.

Nota: Hier word verwys na ‘n “erf” ter wille van verstaanbaarheid. Die geleentheid om te bou wat verkoop word, staan bekend as ‘n “reg tot uitbreiding” wat in die aktekantoor gesedeer word aan die koper. Dit gee die koper die reg om ‘n deeltitel eenheid op te rig, wat dan in die koper se naam geregistreer word wanneer dit voltooi is.

 

Share
Posted in: