Die Oog aftree-landgoed

Nuwe rioleringstelsel vorder goed

Blaar Coetzee — Mon, 19 Mar 2012 05:41:15 +0000

Ten spyte daarvan dat 2 onafhanklike ingenieurs bevestig het dat Die Oog Aftree-landgoed se riool infrastruktuur voldoende is vir die volle beplande ontwikkelingsprojek, het die ontwikkelaars besluit om ‘n nuwe, meer moderne rioolverwerkingsaanleg op te rig.

Die aanleg word opgerig teen ‘n koste van meer as R1,5-miljoen en behoort binnekort voltooi te wees. Dit maak van die mees moderne tegnologie gebruik en sal ‘n aanwins wees vir Die Oog aftree oord.

Die Oog aftree-oord weer op Ontbytsake

Blaar Coetzee — Sat, 10 Mar 2012 11:16:44 +0000

Indien jy die Ontbytsake-program op Saterdag 10 Maart op KykNET, DStv Kanaal 111, misgeloop het, die episode word ook herhaal op Maandag- , Woensdag – en Vrydagoggend vanaf 6:00 tot 7:30 (12, 14 en 16 Maart 2012).

Die Oog Aftree-landgoed het ‘n insetsel op die program wat fokus op aftrede met ateljeegas Prof. Syd Eckley, kenner van aftrede en voorsitter van die Beheerliggaam van Die Oog aftree oord.

Die Oog op Kyknet se Ontbytsake

Blaar Coetzee — Thu, 08 Mar 2012 20:59:12 +0000

Die Oog Aftree-Landgoed is op Kyknet se Ontbytsake-program op Saterdag 10 Maart 2012 om 7h30. Dit is op DSTV kanaal 111. Die program fokus op aftrede en die ateljeegas is Prof. Syd Eckly, voorsitter van Die Oog se Beheerliggaam.

Kyk uit vir Die Oog Aftree-landgoed se insetsel oor aftree by Die Oog. Dit het 3 ure se opnames geverg om ‘n 1-minuut insetsel te vervaardig!

Die Oog is ‘n unieke aftree oord en dit is die beste alternatief vir enigeen wat op die uitkyk is vir ‘n aftree oord waar jy in die natuur met ruimte, skoon lug en rustigheid kan woon.

Vet pret by die Halfpad-daar Karnaval

Blaar Coetzee — Tue, 06 Mar 2012 10:14:24 +0000

Die Oog se mense weet maar net hoe om ‘n fees te hou. Die Halfpad-daar Karnaval was nie ‘n uitsondering nie! Vrydagaand se bring-en-braai was ‘n hoogtepunt en Saterdag se skaapbraai en dans het nie teruggestaan nie.

‘n Voorlegging oor die geskiedenis van Die Oog van toeka tot nou het interessante feite aan die lig gebring, soos dat Eugene Marais op die plaas Rietfontein geloseer het, waarvan Die Oog ‘n deel is. Hy sou seker ook vandag kon aftree by Die Oog.

Vir inwoners en eienaars was dit ook insiggewend om te sien wat vir die toekoms beplan word en wat die ontwikkelaars se visie vir Die Oog is. Dit is onder andere om Die Oog Aftree-landgoed die beste aftree-oord in die land te maak. Die mense wat reeds by Die Oog aftree, weet dat ons goed oppad is daarnatoe.

Daar is foto’s van die Karnaval op Facebook by My Oupa en Ouma by Die Oog.

Uitnodiging en program vir die Halfpad-daar Karnaval

Blaar Coetzee — Tue, 21 Feb 2012 21:47:20 +0000

Die Halfpad-daar Karnaval is ‘n unieke en eenmalige gebeurtenis waar ons terugkyk na wat op Die Oog gebeur het die afgelope 3 jaar en waarna die landgoed oppad is in die volgende 3 jaar. Ons gaan ook sommer 100 jaar terugkyk na waar die oorspronklike oord ontstaan het! Dit is die breinkind van die huiseienaars.

Jy kan vir die naweek kom of net Saterdag vir die dag by ons aansluit.

Daar is ‘n lekker sosiale PROGRAM wat al op Vrydag, 24 Februarie begin.

14h00 tot 18h00 – Wildritte vir gaste en voornemende kopers elke uur – bespreek by Ontvangs.
18h00 – Ken-mekaar bring-en-braai by die Tentkamp Lapa – bring eie eetgerei en vleis. Ons voorsien ‘n egte Bosveld vuur en gratis pap en sous. Tydens die aand sal Prof Syd Eckley, Voorsitter van die Beheerliggaam ‘n verwelkoming doen en die bekendstelling van Dion Nell, die Oordbestuurder vind ook plaas. Gaste sal die geleentheid kry om met hulle informeel te gesels.

Saterdag, 25 Februarie

6h00 tot 9h00 – Wildritte vir gaste en voornemende kopers – elke uur. Bespreek by Ontvangs.
8h00 tot 18h00 – Besigtiging van huise op Die Oog
10h00 tot 12h00 – Inligtingsessie in die Olienhoutsaal oor Die Oog van Toeka tot nou. Waar kom ons vandaan en waar gaan ons heen? Aanbieding deur die ontwikkelaar en die bemarkers.
Belangrik: Etekaartjies vir die Skaapbraai word na die aanbieding in die saal oorhandig aan gaste wat bespreek het.

12h00 tot 18h00 – Musiek by die swembad
13h00 – “chipping” golf vir mans, dames en kinders
14h00 – Bingo
15h00 – Spyker slaan – mans, dames en kinders
16h00 – Toutrek
16h30 – “musical chairs” en “Water aerobics”
17h00 tot 20h00 Skaapbraai op die stoep – gratis vir almal wat bespreek het. (Kry Etekaartjies tydens die inligtingsessie 10h00 in die saal.)
19h00 – Valentyn’s Karnaval en dans – informeel

Deur die dag is daar ‘n verskeidenheid stalletjies en ‘n biertuin.

Sondag, 26 Februarie

9h00 – Kruiskerk in die Olienhoutsaal met die tema “Die Beste lê nog voor”.

Bespreek vir die Skaapbraai en Valentynsdans

Skakel 014 743 4600 en bevestig by Alta Lewis hoeveel mense julle is wat die Skaapbraai gaan bywoon of stuur ‘n e-pos met die nodige inligting na dieoog@dieoog.co.za. Kaartjies kos R50 per volwassene en R30 vir kinders onder 12. Dit sluit die dans in.

Ons verblyf is al amper heeltemal vol, so skakel so gou as moontlik 014 743 4600 (opsie 1) om plek te bespreek vir die naweek. Almal is nogsteeds welkom om net vir die dag by ons aan te sluit – enige dag van die naweek.