Oor die naweek van 24-26 Februarie 2012 hou Die Oog Aftree-landgoed die Halfpad-daar Karnaval om die vordering op die landgoed te vier en vooruit te kyk na wat nog kom. Die Karnaval is die breinkind van die huidige eienaars, wat graag aan ander wil wys waarom hulle gekies het om by Die Oog te kom aftree.
In die afgelope 3 jaar sedert Die Oog begin omskep is in ‘n aftree-landgoed, is meer as 300 huise op Die Oog verkoop, ‘n gemeenskap van amper 500 mense word gevestig en die landgoed is besig om sy doelwit te bereik om as ‘n ikoon in die aftree-behuisingsmark in Suid-Afrika uit te staan.
Saterdagoggend tussen 10:00 en 12:00 word daar ‘n inligtingsessie aangebied in die saal waar gekyk word na die geskiedenis van Die Oog sedert 1903 en wat gebeur het van toe af tot vandag. Daar gaan ook ‘n vooruitskouing wees van die beplanning vir die volgende 3 jaar.
Belangstellendes sal alle inligting oor die behuisingsopsies op Die Oog eerstehands kan bekom en die geleentheid kry om met bestaande huiseienaars en inwoners, die Trustees van die Beheerliggaam, asook die bemarkingspan en die ontwikkelaars te gesels.
Vrydagaand is daar ‘n kenmekaar bring-en-braai en Saterdag na die inligtingsessie is daar allerhande aktiwiteite om na uit te sien. Laatmiddag hou ons skaapbraai en sluit die aand af met ‘n Valentynsdans.
Indien u die Karnaval wil bywoon, kontak gerus vir Alta Lewis by 014 743 4600 of skakel een van die bemarkingsagente – die inligting is onder “Kontak ons” op die webwerf.
